Zv.kryeministri i Kosovës, Hashim Thaçi përmes një postimi në Facebook ka uruar të gjithë bashkëatdhetarët e krishterë të të komunitetit katolik, ortodoks dhe atij protestant, festën e Krishtlindjes.
Ja postimi i plotë i Thaçit:
Të gjithë bashkëatdhetarëve të krishterë, të komunitetit katolik, ortodoks dhe atij protestant ua uroj festën e Krishtlindjeve me lutjen më të mirë për paqe, lumturi dhe begati në familjet tuaja.
Po ashtu, urime të veçanta për të gjithë qytetarët e institucioneve ndërkombëtare që punojnë dhe shërbejnë në Kosovë.
Festa e Krishtlindjeve është ngjarje e rëndësishme për tërë komunitetin e krishterë kudo në botë dhe na bën që të kujtojmë me respekt rëndësinë e vlerave universale shpirtërore, humane dhe kulturore mbi dymijëvjeçare.
Urime për shumë mot!
