Ish bashkëlojtari i Cesc Fabregasit te Arsenali dhe Barcelona, Alexander Song u ka treguar londinezëve se cila është skuadra që e do me shpirt Fabregas. Song ka thënë se Fabregas e dëshiron vetëm Arsenalin dhe se ai ka kërkuar me çdo kusht kalimin te Arsenali në verë.
“Shoqëria që kishim te Arsenali kishte vazhduar mes nesh edhe te Barcelona. Cesc është një djalosh i madh që di të luaj mirë futboll. Kam qenë shumë i afërm me të, sidomos te Barcelona. Dëshira e tij ishte që ai të bashkohej me Arsenalin. Nuk e di se pse kjo gjë nuk u bë, por e di se Arsenali është skuadra që Fabregas e ndjen me zemër” ka thënë Song.
