Përfundoi festivali tradicional “ Hasi jehon 2015”
admin
📑 Table of Contents ▾
Mbrëmë ka rënë perdja e edicionit të 26-të të festivalit tradicional folkorik “ Hasi jehon”. Ky festival që mbahet çdo vit në fillim të muajit maj dhe zgjat për tre ditë rresht, në “ Kodrën e pajtimit” përveç shoqërive kulturo-artistike dhe mysafirëve pjesëmarrës, sërish ka tubuar me qindra shikues gjatë 3 netëve. Në mbrëmjen finale, juria profesionale e pati të vështirë për të përzgjedhur më të mirët në këtë eveniment kulturor me pjesëmarrje të trupave artistike nga shumë vise mbarëshqiptare. Sipas jurisë së festivalit, fitues i këtij edicioni është shpallur Ansambli “ Rugova” nga Peja, në vendin e dytë është radhitur SHKA “ Bresana” nga Bresana e Opojës, ndërsa në vendin e tretë sipas jurisë , është përzgjedhur SHKA “ Katarina Josipi” nga Zymi i Hasit.Drejtori i Festivalit, Haziz Hodaj, tha se “edhe këtë vit kemi qenë të fokusuar që festivali të jetë i përqendruar në ruajtjen e traditës dhe kulturës sonë, dhe jemi angazhuar maksimalisht duke bërë përpjekje që këto vlera të barten te brezat e rinj”, theksoi ai.Kryetari i jurisë profesionale, etnologu Ukë Xhema,tha se ky festival edhe një herë dëshmoi se trupa të ndryshme artistike përmes paraqitjeve në skenë me mjaft dinjitet po i ruajnë dhe kultivojnë vlerat shpirtërore, kulturore e tradicionale të trashëgimisë sonë të pasur kulturore. SHKA “ Bresana” nga Bresana e Opojës, gjithmonë ndodhet në mesin e tre organizmave artistik të cilët nderohen me mirënjohje për paraqitje në skenë, përmes shpalosjes së vlerave tradicionale të zonës së vet. Kryetari i kësaj SHKA-je, Fesal Shaqiri, thotë se puna e mirëfilltë që bëhet në këtë organizëm kulturor, po vlerësohet kudo nëpër festivale ku marrim pjesë, përfshirë edhe Festivalin “ Hasi jehon”.Valltarja më e mirë e festivalit është përzgjedhur, Fazile Greiçevci, nga SHKA “ Xhavit Haziri” nga Obiliqi. Ajo tha se ndjehet e lumtur për çmimin e fituar, dhe shtoi se e gëzon fakti që shumë të rinj me mjaft sukses po e ruajnë traditën dhe kulturën përmes pjesëmarrjes në shoqëri kulturo-artistike. Gjithashtu në këtë festival, me mirënjohje dhe shpërblime janë nderuar edhe pjesëmarrës të tjerë, si dhe janë ndarë edhe çmimet “ Jehona e Hasit” për personalitete që e mbajtën gjallë për dekada me radhë këtë Festival si : Hasan Feka, Frrok Kristaj dhe Muhamet Lushaj…
Recommended For You
Hand-picked stories based on what you’re reading
Strong Match
Për televizionin francez, vetëm dervishët përbëjnë islamin në Kosovë (Foto)
Për televizionin publik në Francë, RFI, myslimanët në Kosovë janë dervishët, dhe goranët. Në një seri të foto-dokumentarëve “Udhëtim nëpër…
Strong Match
Tradita e hasjanëve për bukë - Video
Tradita e hasjanëve për bukë – Mësoni për familjen që për katër breza, përveç profesionit, nuk ka ndërruar as recetën…
Related
Zotimi i Hasit Dokumentar i vitit 1974 - Parandalimi i fejesave te hershme
Zotimi i Hasit Dokumentar i vitit 1974 - Parandalimi i fejesave te hershme. Zotimi i Hasit Dokumentar i vitit 1974…
Related
Fshati Planejë një prej 38 fshatrave të Hasit
Fshati Planejë një prej 38 fshatrave të Hasit Fshati Planejë një prej 38 fshatrave të Hasit Tradita e hasjanëve…
