Google fillon shpërndarjen e Android Lollipop (5.0)

Google ka njoftuar se versioni i saj i fundit i sistemit operativ Android Lollipop (5.0) ka filluar të shpërndahet në linjën e pajisjeve të saj Nexus, dhe do tu paraqitet përdoruesve në telefonat e tyre shumë shpejtë.

Modelet e pajisjeve mobile që do të mbështeten me Android Lollipop dhe që janë konfirmuar deri më tani përfshijnë Nexus 4, 5, 6 dhe 7, ndërsa ende nuk dihet se cilat do të jenë modelet tjera të telefonave dhe tabletëve që do ta marrin përditësimin më të ri të Google.

Ajo që është thënë deri më tani për modelet tjera të pajisjeve mobile dhe Android Lollipop ka qenë se “versioni më i ri i Android do të arrijë brenda disa javëve” që domethënë pak për përdoruesit e telefonave në platformën mobile të Google.

Siç dihet tashmë, Lollipop do të sjell pamje krejtësisht të re me Material Design, ruajtje më të mirë të baterisë, njoftime të përmirësuara dhe jo vetëm kaq.