Janë një nga aksesorët më të dashur të femrave. Keni blerë ndonjë palë këtë vit? Një model klasik apo një model ‘të çmendur’? Apo mos ndoshta ato me shumë stampime në skelet, siç do edhe tendenca e fundit?
Me pak fjalë sikurse e keni kuptuar për këtë sezon mund të zgjidhni ç’të doni. Po ju japim disa nga linjat më të rëndësishme të cilat janë edhe tendencat kryesore.
Le te fillojmë me stilin klasik
Nëse doni të jeni të sigurt, atëherë blini një palë syze të stilit “aviator” ose ato të stilit “Wayfarer”.
Këto dy stile e bëjnë një femër të duket e thjesht, shumë seksi dhe avanguarde. Janë perfekte për ato femra që kanë një fytyrë të rrumbullakët.
Skelete të stampuara
Nëse duam të ndjekim tendencën më të fundit, atëherë një palë syze me skelet super të dizanjuar do të ishin idealet. Një tendencë që vihet re së fundmi në të gjitha pasarelat, të kombinuara me veshje shumëngjyrëshe.
Syze të ‘çmendura’
Bëhet fjalë për syzet që i lënë personat që na rrethojnë me gojëhapur. Ato janë të formave nga më të ndryshme, nga ato në formë zemre, luleje apo sy maceje. Me pak fjalë, gjithçka është e lejuar.
Lente me ngjyrë
Janë gjithmonë në modë lentat me ngjyrë. Shume ‘in’ janë ngjyrat blu dhe e verdha.
Syze “përdore dhe hidhe”
Janë më të vërtet praktike syzet plastike. Sepse sikurse dihet syzet e diellit janë një objekt që shpesh i humbasim ose i harrojmë kur dalim dhe me siguri që humbja është më pak e dhimbshme kur ato janë të lira.
