Mesfushori shqiptar i Hamburgut, Valon Behrami në një intervistë për ‘Sportalsports.com’, ka folur për interesimin e Interit.
Ish-anëtari i Napolit gjatë verës ishte afër kalimit te Interi, por iu bashkua klubit gjerman Hamburg. Por tash thotë se do të dëshironte të punojë përsëri me Walter Mazzarrin.
“Po, ka pasur kontakte dhe unë do të doja që të punojë përsëri me Mazzarrin, dhe ai do të ishte arsyeja për tu transferuar në Inter”, ka thënë Behrami.
“Por për fat të keq nuk u realizua dhe se dera ishte mbyllur për mua, e për fat të mirë erdhi oferta nga Hamburgu. Në Hamburg ndihem 100 përqind i përfshirë në këtë klub”, tha reprezentuesi shqiptar i Zvicrës.
