Sulmet e vazhdueshme ndaj kompanisë Sony kanë sjellë si pasojë publikimin e shumë informacioneve konfidenciale të kompanisë online nga hakerët.
Ndër to, me anë të e-maileve janë zbuluar dhe detaje të telefonit inteligjent Xperia Z4, që kompania pritet të nxjerrë vitin që vjen.
Në e-mailet e kompanisë u zbuluan dhe disa imazhe të këtij telefoni inteligjent. Gjithashtu zyrtarë të kompanisë kanë folur me njeri-tjetrin në postën elektronike se nxjerra në treg e Xperia Z4 ka mundësi të ndodhë në periudhën maj-nëntor të vitit të ardhshëm.
Në fotografi duket se Xperia Z4 ka pak a shumë një dizajn të ngjashëm me telefonat e tjerë të kësaj serie, por me detaje të vogla të ndryshme. Pritet që ky produkt të jetë i ndërtuar në një pjesë të madhe nga xhami dhe pasqyra.
