Shaqiri në bisedime, shpejt zyrtarizimi!

Xherdan Shaqiri shumë shpejt mund të bëhet me skuadër të re. Sipas lajmeve të fundit nga Italia, Shaqa është sot në bisedime me Juventusin dhe se shpejt pritet marrëveshja me të.

“Sky Italia” njofton se Shaqa është duke tentuar të bindë Bayernin që ta lejojnë transferin e tij te Juventusi.

Shaqiri pritet të kaloi si huazim te Juventusi për 2 milion euro, me opsion të blerjes në fund të edicionit.

Juventusi në verë do të duhej të shtonte edhe 13 milion euro për blerjen e kartonit të Shaqës.