Producenti ekzekutiv i serisë “The Real Housewves” dhe prezantuesi televiziv, Andy Cohen, ka bërë një selfie që është shndërruar në hit në internet.
Në fakt fotografia është realizuar më herët, porse këto ditë është shpërndarë në internet duke qenë se Cohen ka promovuar një ditar të mbushur me thashetheme për jetën e tij në Manhattan dhe prapa skenave.
Në kujtimet e tij të shkruara, mes tjerash, ai tregon se nuk ka pasur një lidhje dashurie për dhjetë vjet, si dhe ka treguar për sasinë e madhe të botoksit që përdorin pjesëmarrëset në shoun “The Real Housewves”.
Aty nuk mungojnë tregime për shoqërimet me yje, si Sarah Jessica Parker, Madonna, Lady Gaga, Beyonce, Taylor Swift etj, njofton Telegrafi.
Po ashtu, Andy ka thënë se ishte habitur me të pasmet e Khloe Kardashian në ditëlindjen e Jennifer Lopez. Ai e ka pyetur atë nëse ka bërë diçka, kurse Khloe i kishte thënë se ka veshur brekë speciale për të mbajtur ‘lartë’.
Derisa intervista me Kim Kardashian në muajin gusht ishte shoqëruar me pyetje “të pakufizuara” rreth Kris Humphries e Ray J, ndërsa tani prezantuesi është shprehur i penduar se e ka vënë në siklet. Në fund, ai kishte bërë selfie me të pasmet e saj.
“Bëra një selfie me prapanicën e saj. Ishte ngazëlluese”, ka treguar 46-vjeçari.
