Trajneri i Udines: Romës do t’ia bëjmë si Juves!

Stefano Colantuono beson se Udinese mund të nxjerrë pikë nga Roma, ngjashëm si bëri me Juventusin këtë sezon.

Udine viziton kryeqytetin italian të mërkurën mbrëma për ndeshjen e javës së dhjetë në Serie A.

“Na pret një ndeshje e vështirë, por ne jemi mësuar me sfida të këtilla. Do të ketë disa ndryshime në formacionin startues, sepse dikush duhet të pushojë, derisa nuk mund t’i rrezikojmë të lënduarit”.

“Duam ta përsërisim ndeshjen që bëmë ndaj Juventusit dhe natyrisht të arrijmë të njëjtin rezultat (fitoren)”.

“Roma nuk është në krye të tabelës rastësisht, por për faktin se i ka luajtur shumë mirë këto xhirot e para”, ka thënë Colantuono në konferencën për shtyp.