Shaw: De Gea do të bëhet më i miri në botë

Mbrojtësi i Manchester United, Luke Shaw, ka lavdëruar formën e bashkëlojtarit të tij David De Gea.

Portieri ka qenë në një formë të shkëlqyeshme këtë sezon për United, edhe pse klubi nuk po kalon në një periudhë të mirë.

“David është një prej portierëve më të mirë në botë për momentin. Ju e keni parë prej paraqitjeve të tij të fundit se ai ka gjithçka. Nuk mendoj se ai ka ndonjë dobësi nga ajo çfarë kemi parë deri tash”.

“Ai është komfort me topin, gjithmonë kërkon të gjejë pasime kur topi i kthehet atij, ai është një portier i shkëlqyeshëm… gjithçka në lojën e tij është e fuqishme”.

“Ai është portier i klasit botëror ai është i ri dhe ai vetëm sa do të përmirësohet. Unë besoj se nëse ai vazhdon të përparojë, siç po bën tash, atëherë ai do të bëhet portieri më i mirë në botë”, ka thënë Shaw.