Mimoza: Nuk do të bëj bashkëpunime për një kohë të gjatë (Video)

Mimoza Shkodra ishte pjesë e disa bashkëpunimeve të suksesshme gjatë këtij viti, ndërsa në një të ardhme të afërt nuk preferon të realizojë të tjera.

Në një prononcim për Tribuna, këngëtarja ka thënë se pas festave të fundvitit do të përfundojë një këngë të re, ndërsa do të pushojë nga bashkëpunimet për një kohë të gjatë.

“Nuk do të bëj bashkëpunime për një kohë të gjatë, sepse këtë vit që po e lëmë pas kam pasur mjaft shumë”, ka thënë Mimoza.

Ajo nuk ka caktuar një afat për realizimin e një albumi të ri, porse ka thënë se po mendon për të.

Kujtojmë se kënga “Na” në bashkëpunim me Skivin dhe Norën, ishte shumë e dëgjuar, ndërsa suksesi nuk i mungoj as projektit “Veç edhe ka njo” me Baboo Darabuka & Dj Benity, të cilat mund t’i dëgjoni më poshtë.